أنام وأصحى وأحسب الكون فطوم=من كثر ماأعشقها تقوم أتغلا
الله خلقها للغلا حق وسلوم=والله وهبها لي والحزن ولا
تستاهل اللي لجلها يطيح ويقوم=لا من نظرها قام رحب وهلا
كن حكيها عذب الغرام آخر ألبوم=من سمعها خلا الزعل واسفهلا
الوجه آيه والثغر كنه مرسوم=والخصر ماله في جسدها محلا
وأن سلهمت بالرمش ياقوم .. ياقوم=كني من أوراق الغرام آتملا
لو قيموها بالحلا سبعة نجوم=صورها رب الكون عزا وجلا
ياليت يومي قبل يومك ولو يوم=وليت السعادة بين ليت ولعلا
الحب نبض وبين قلبين مقسوم=واللي يتغلا ودك أنه يخلا
وش عاد لو قالوا هل الحقد واللوم=لأني السحاب اللي سما ثم تعلا
محروم بالدنيا وآبموت محروم=وياخوفي إني بالهموم آتسلا
فطوم ماغيرك من البيض فطوم=وأن ماعشقتيني آبا صير ملا
للقصيده وشاعرها ناصر ذكرى