ياعين كفي صافي الدمع وانسيه=مايفيدك اللي في لزومه توانا
لو كل رجال" فقدناه نبكيه=ضاعت عن الدرب المسمى خطانا
تبدين نظرات العتب والمشاريه=والله على درب الحقيقه هدانا
خليني اسلا في طريقي واخليه=ماحد" خذا منا ولاحد" عطانا
ماني بحاجه للظلام ومساريه=وقلوبهم ماهي بحاجة وفانا
نصبر على جور الزمان وبلاويه=ولو نبتلى ماحد" درى وش بلانا
صدي عن دروبه وشوفه وطاريه=مافيه داعي تفرح ابنا عدانا
لوهو زمنا مانصفتنا لياليه=لاتحزني ياعين والله معانا
واللي تسوقه يم دربي هقاويه=والله ليبطي مايوصل مدانا
من كان تقصر بالمسافه خطاويه=بيموت والله ماعرف وش ورانا