[باجد عبد الرحمن]

أبطى سحاب الشر بعنان السما برقه يلوح=والجرب جت بجلودها تنفض علينا أجرابها
ماعاد باقي بالكلام أكثر من الواضح وضوح=كلن جمع حزمة حطب والنار من شبابها
وصدورنا فيها قدور الغيض من مبطي تفوح=والقيض هجاج الجموع اللي تخب ركابها
أما يقدرنا البقا والا يكرمنا النزوح=والأرض ماضاقت بطلقين الوجيه رحابها
قل للرجال اللي فعايلهم مصابيح وفتوح=لا يندلع حرب النفوس البارده بأعصابها
سوق النصايح يجتمع فيه النصيح مع النصوح=واللي مايعرف قيمة السلعه لا يفتح بابها

الموضوع الأصلي: أما يقدرنا البقا .. والا يكرمنا النزوح | | الكاتب: باجد عبد الرحمن | | المصدر: شبكة بني عبس