اما تجي كلـك معـي والا تـرى تقـدر تـروح
ما اقدر اقـاوم لهفتـي بقيـود تفرضهـا علـي
مره تجينـي مندفـع بالحـب واشواقـك تفـوح
و مره تصد عن درب قلبـي واتجاهـل منزلـي
خابرك تشتاق لدفاي و راعي الشـوق مْفضـوح
قلي بعـد ذيـك الليالـي ويـن قلبـك الألوّلـي
الحب ماهـو بالمـزاج يْهيـج و يبـل الجـروح
متناقض و وصلك صعب و الشوق يغليني غلـي
خلك معي واضح اذا انك جدّ تحتـاج الوضـوح
بقول لـك شـيٍ يفيـدك وانـت دوّن مـا يلـي
ان كنت محتار بْقرار اعرف ترى الراي النصوح
عاند هواك و ينفـرج حـل الصـواب الامثلـي
ولو بالسما برق و رعد والغيم بأمطـاره شحـوح
جايز سحابة صيف مـرّت كـم يـوم و تنجلـي
وان عاش غيرك بالأمل لا تحرمه حلم الطمـوح
خلّـه يعيـش بْلذتـه مـا دام بـه بـال ٍ خلـي