[فضي البراك]

للراسية (أم فيصل)

[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
من يذوب في غروره صفاته يا(أمير)=طق صدرك للمراجل وذوب والديه
علموا من لا تعلم ترى مالي خشير=النزاهة في يميني وأنا بنت النزيه
ماأحني الهامة لعبد وأنا ذنبي كبير=وإن سجدت أسجد لربٍ يلبي داعييه
يا ولد شيخ القبيلة ترى فراشي حصير=والدي لا أمسيت جنبه ثنى لي ساعديه
لا تلحفت بحراير ولا شفت الحرير=ولا لبست الذهب الأحمر ولا ني برتجيه
زينتي ياشيخ ماهي زكاة من وزير=ولا ثمنها في زمنا ريال ولا جنيه
ما اتباها في جمالي على الجمع الغفير=لكنن روحي جميله .. وشكلي ماعليه
ماعرضت السلعه اللي لها شانٍ خطير=ولا تغطرست بجمالي على هذي وذيه
ولا نسيت اليوم عرفي وسلمي والسعير=لعنبو من ضاع عرفه ويلعن شاهديه
[/poem]

الموضوع الأصلي: شكلي ماعليه | | الكاتب: فضي البراك | | المصدر: شبكة بني عبس