صاحبي والوقـت يشبـه للخليقـه=فيه مومن بالصواب وفيه كافر !!!
لـو بنفـرزه الدّقيقـه والدقيـقـه=يقضي المجهـود وتحـتّ الاظافـر
لا تحمّل (نفسـك) الا مـا تطيقـه=وحاول (انْها) ما تروح الا انت ظافر
إن قدرت ترجّع الماء في طريقـه=وان قدرت إغفـر وإن الله لغافـر
وكلما جاتك من الاحبـاب ضيقـه=قبل مستور الدّموع يصيـر سافـر
إعرف انك في مواجهـة الحقيقـه=واحزم امتعة العناء كلـه وسافـر