صباح الخير ياخمس السنين وعشقي المعمور=صباح الخير ياوجه الاماني في محطاتي
تفضل دوك تجديد الولاء لــ/حبك المبرور=تفضل يابعد كل الحروف وفلسفة ذاتي
احبك ياالوحيد اللي بقلبي والغلا مستور=اخيلك وين ماوجه ياعمري بــ/اتجاهاتي
اعيشك يالغلا قصه مداها فـــ /الزمان عْصور=حشى ماتنتهي فيني واناادرى في نهاياتي
انا في مملكة حبك اسيره لو تضيق صْدور=انا اعيشك محبه يالغلا في كل حالاتي
وفاك اجمل هديه في حياتي والزمان ايدور=غلاك اطول حكايه تنكتب لك من حكاياتي
حبيبي وانت لي مثل الشموع الي تشع النور=امانه لاتخليني ولاتأخذ بــ/ غلطاتي