ما كان ليل البارحه ليل .. عادي !=ما كان حتى البوح .. يستأذن البوح
خليت معـك ، اللا إرادي / إرادي=بـ / إحساسي اللي صار لك سر مفضوح
لو كان كل الوضع معك ( إعتيادي )=ماكان كل غموض يصبح لك وضوح !
ياللـغرابه .. كيف صار إنقيادي ؟=يمك / ولو مدري معك وين ابروح ؟
حتى ولو طبعي مع الحب ( هادي )=معك أنت ما استغرب ولو ينطق اللوح !
ما أرضى معاك ، إلا بـ / حبس إنفرادي =إحبسني بقلبك لـحالي / ومسموح !
جرحي ينادي لك ضمادي / ضمادي =اي والله ضمادي ولو كلي ، جروح !
ودي معاك اتكلم .. اشرح وأنادي !=ودي ولكن كيف والشرح مشروح ؟
عجزت أحدد موقعك في ( فؤادي )=احد ٍ عرف وسط الجسد موقع الروح ؟