السلام عليكم
هذه هي قصيدة المشاركه
يقول
البارحه يومه غدا الليل ليلين @@ والناس كلن مهتني في منامه
طرى علي البارحه كامل الزين @@ صد وتنكرني وكثر ملامه
كنا نسجل في هوانا عناوين @@ واليوم خلي باخلن في سلامه
ماشي على دروب المحبه لاهالحين @@ وهو مضربني دروب الندامه
لاقلت له مشتاق لك قال بعدين @@ واشوف انا منه الجفا في كلامه
انشهد اني ذقت نار المحبين @@ ولعب علي صاحبي لعب دامه
أثره صحيح اهل المحبه مساكين @@ وراع الهوى ماهوب ويا السلامه
يجامل العربان من حين لاحين @@ وهو بنفسه خايراتن عظامه
حالته دايم مثل حال المصاخين @@ واللي يشوفه قال هذا علامه
شف حالتي في غيبتك بس شهرين @@ وشلون لو غيابك تم عامه
ان كان عقب الوصل ودج تقفين @@ نقدر نرد النفس قبل الندامه
وان كان مشتاقه و ودج تدقين @@ خطي تعرفينه وعندج ارقامه
وسلامتكم