[عيسى محمد]

البارحه يومه غدا الليل ليلين @@ والناس كلن مهتني في منامه

طرى علي البارحه كامل الزين @@ صد وتنكرني وكثر ملامه

كنا نسجل في هوانا عناوين @@ واليوم خلي باخلن في سلامه

ماشي على دروب المحبه لاهالحين @@ وهو مضربني دروب الندامه

لاقلت له مشتاق لك قال بعدين @@ واشوف انا منه الجفا في كلامه

انشهد اني ذقت نار المحبين @@ ولعب علي صاحبي لعب دامه

أثره صحيح اهل المحبه مساكين @@ وراع الهوى ماهوب ويا السلامه

يجامل العربان من حين لاحين @@ وهو بنفسه خايراتن عظامه

حالته دايم مثل حال المصاخين @@ واللي يشوفه قال هاذا علامه

شف حالتي في غيبتك بس شهرين @@ وشلون لو غيابك يتم عامه

ان كان عقب الوصل ودج تقفين @@ نقدر نرد النفس قبل الندامه

وان كان مشتاقه و ودج تدقين @@ خطي تعرفينه وعندج ارقامه

وسلامتكم

الشبيح 404

صح الله السانك ملايين ولايكفون
بس عندي ملاحظه على الشطرين
الملونه بالاحمر ارجو تعديلها والملاحظه
واضحه وجليه لكن انت شاعر جزل عافاك الرحمن

تحيييييياتي لك