[قسورة الغاب]

اقتباس من مشاركة عبدالباري عبدالعزيز القسورة براسك طاروق تعال يالقسوره ياخوك قلبي مهو للوضع مرتاح=الوضع اشوفه كل ليله تغيب اكبر نجومه امن اول اطمع بالمكاسب واحاول جمع الارباح=واليوم لو يعرض علي الذهب ماحرزت اسومه

اقتباس من مشاركة صياف جيتك نيابه عن هل العرف لابس تاج ووشاح = شاعر يطول القاف والاقصر ينهي خصومه يلي شكيت امن الدهر توبرق الوسم مالاح = كان الك قدرة لاخظر العود خيم في حزومه

اقتباس من مشاركة عبدالباري عبدالعزيز صياف شاعر غير وألا انت شاعر زي وضاح=شاعر مرفّه ماتحمل هوا القيض وسمومه لو شفت مطلق قدم عينك تحول بيتك اصياح=وازعجت صف الملعبه وانتهى حفل العزومه

اقتباس من مشاركة صياف وشبك تهذري بالحكي والرجال اعقولها اصحاح = البحر ماتشوف الخطر فيه قدامك تعومه مطلق ومستور العصيمي وابن هذال وابداح = معهم نكيل الصاع والي سواتك طاب نومه

اقتباس من مشاركة عبدالباري عبدالعزيز ماهو صحيح :انك تبا تفك قفل ابدون مفتاح=الصاحي اللي ما لبس ثوب ماهو من هدومه معهم تكيل الصاع لكن بليا ريش واجناح=كل ٍ يعرف الرجل ويقيمه لادلى لعلومه

اقتباس من مشاركة صياف اما فتحنا الباب والا دخلنا معه لاطاح = ماني من الي ضارياتاّ يدينه لنعومه لاصار مخلابي لامنه ضرب بالنحر ذباح = الريش مافاد الحباري ولاني في لزومه

اقتباس من مشاركة عبدالباري عبدالعزيز الخبل ممكن ينطح القوم دون اخيول واسلاح=لكن عسى الله يحفظ الشعب ويعز الحكومه في مدحك المذموم خلك كذا مسراح مرواح= وانا ماني مكلوف في واحد ٍ معرف يمومه

اقتباس من مشاركة صياف زانت علومك وانتها العلم ماب بيديك مسباح = تفرك بصابع يدك والساق في قعده وقومه دامك عرفت العلم خل الاوادم عنك ياصاح = ياطير مالك في سماء اليوم لاعينت حومه

اقتباس من مشاركة عبدالباري عبدالعزيز هذا الطريق اللي يوديك لـــ .. حنيظل والاسياح=والسيف عقب انا كشفناك والله مانلومه ياللي تجون السيف تكفون من صياف يرتاح=لاعاد يتعب يم سوق الحميمه ومهدومه

اقتباس من مشاركة صياف الذئب ياكل بالخرافين وانته خوش مصلاح = والسوق فيه الي من الغش والكذب محشومه السيف وانته مالكم في ديار العرف مصباح = صيــــــاف ساركم بلليلاّ مغاويرا نجومه

عاشوو الله عاشووو