عشقت غيدا سمّحتني عـن الغيـد=اقول والا بس مانيـب قايـل
ميت ظما والعد صعب المواريـد=وبذلت من شانه جميع الوسايل
والشربة اللي من حياض الاجاويد=تقطع ظما هدف الضلوع النحايل
يانوووف جيتك من ورا نازح البيد=بالراس مايحتاج رد الرسايـل
وان كان ماضمّدتي الجرح تضميد=تحملي شرهة عيال الحمايـل
وانا دخيل الصدر والثغر والجيـد=ارخي علي شلال شقر الجدايل
هذي تكفينـي مـن العيـد للعيـد=وانا علي يا نوف رد الجمايل
حبي وحبك حب عليا وابو زيـد=والا مثل حب الطنايا لحايـل