حاولت اعالج علتي بالتعاليل=وعللت نفسي لين صارت عليله
وسريت مع همي قبل يسري الليل=مسافتن ماهي قصيره طويله
وقعدت احط من الهواجيس واشيل= وارجع على همن نسيته وشيله
وسويت فنجالن من البن والهيل= وعزالله اني عارفن وش يبيله
يبغاله اربع بيض واربع فناجيل= ونجرن يصوت للنشاما صقيله
وسوالفن سنعه سوالف رجاجيل= تسوا حكايات الف ليله وليله
في خايعن خالي من القال والقيل=بروضن تعاقب فيه عشب الخميله
احسن من القعده على شاطي النيل= ارضن خلا فيها يضيع الدليله
الشاعر سالم علي العويمري