لاتجرحيني يكفي القلب مجروح = لاقلت احبك اسكتي واسمعيني
ماجيت ادور فيك لوعات وجروح = جيتك وانا كلي امل تسعديني
جيتك وانا كلي احاسيس ووضوح = جيتك ابي لو ساعه (ن) تفهميني
والله ماغيرك سكن داخل الروح = ولا غيرك انتي وسط قلبي وعيني
والعاشق اللي يعشق بصدق مفضوح = لو جا يرد الشوق لازم يبيني
لا تساليني وش ورى الهم والنوح = وبعز جرح القلب لاتساليني
ياليتني اقدر على البوح وابوح = ان كان ماشفتي الشقا محتويني
ياللي تحسبين الهوى لعب ومزوح = شوفي سواه الهم والعشق فيني
بعض الغرام يجيله شهور ويروح = وانتي غرامك بالحشا مبتليني
لاتتعبيني يادوا القلب والروح = لاقلت احبك .. اسكتي واسمعيني