[ابن الشيوووخ]

[poem="font="Simplified Arabic,5,purple,bold,italic" bkcolor="transparent" bkimage="" border="none,4,gray" type=1 line=1 align=center use=ex num="0,black""]
مرحوم ياشيخ(ن)قضى العمر بالدين=شيخ(ن)قضى عمره على الدين كله
هذا هو اللي ينعي بالدواوين=واللي قليل اللي ينوب ابماحله
اللي يعادل في وجوده ثمانين=رجال واللي تابعه مايمله
مرحوم يازين انبا و العناوين=ياللي ملكة الطيب دقه وجله
ان مانعاك الشعر عساه للبين=انت الذي تنعى بقناه ومجله
وانت الذي تبكي على موتك العين=ولا تلام يوم الدمع لجلك تهله
وينعاك معنا الدين وارض الحرمين=ياعز من في دنيته صاحبله
صحيح بنا من غيابك مصابين=والموت حق وكل(ن)مواجهله
وراضين بامر الله والحق راضين=والله يظله تحت عفوه وظله
[/poem]

الموضوع الأصلي: مرحوم ياشيخ(ن)قضى العمر بالدين | | الكاتب: ابن الشيوووخ | | المصدر: شبكة بني عبس