لاصرت اقدرك واحطك على راســي = ليه الهواجيس تطرق بابك وبابي
ياصاحبي ما تجــاهلتك ولا نــاســـــي =لكن بعض الظروف تعقل اركابي
عشان قصرت مره صرت حساســـي =وين أنت يوم أني أرقبلك بمرقابي
مصير الأيام ترخي راســك القاســـي= وتجيبك ظروف وطشك على بابي
قدرتك اكثر من أصاحبي ومن ناسي= وقولك مرحبا ياخيرة اصحابـــــي
أثرك صديق المصالح منت مقياسي= لكن بحطها في وسط دولابـــــــي
على عروش الوفا والعز مجلاسي= وألا أنت مابين مطلوبن وطلابــي
يوسف صح السانك قصيده تحاكي الحساس وتعانق الابداع