ياقصيدي مع غياهيب الدجا خذ سجـه =مايحس النار غيرك والعلوم اجـدادي
عن قبـال قليليـن المنفعـه والحجـه =مع فجوج الارض سافر والفضا برادي
لا تضايق والطريق الياعترضلك فجه =اعتبرني ماتزحزح كل شيـن عـادي
انت عنوان الشموخ ومن لجابك نجـه =مثل مانجيك وأبعدبـك عـن النقـادي
اعط من مالله عطاك وعد حـد اللجـه =بينك وبين النجوم الساريـه ميعـادي
لاتلد الشـوف يـم العالـم المعوجـه =وانت من فكري لفكري يالجزيل اقنادي
وجه لدارن غلاها تـل قلبـي وجـه =مابقا للصبر طاقـه والشقـا يزتادي
|