ألاياعظم ساقي تعثرت في مسراي=عثرك المقدر والبخت يالله الخيره
وأنا من زمان العام أتلك على مشهاي=تطب الحيا والقفر تمشيه واتديره
وترى من مطيحك ماتفرح ياكود اعداي=وأنا في صواب وهمك يزود ويثيره
سقا الله دار اللي عليها يزين اغناي=هنوفٍ على بحر الخليج ومعابيره
عليه الحشا نارٍيولع بها مشكاي=وأناحربه الفرجه ويزداد تأثيره
غرامه تملك مابقا وأستحل أعضاي=وأنا خاضعٍ له فالغرام وتدابيره
ولا ياكحيل الطرف ياغايتي ومناي=عتابي على هجرك وأبي منك تبريره
وأنا يم دارك لوتذكرت رايح جاي=وملو هل المنفذ جوازي وتمريره
وأنا غاسلٍ كفي من اللي يقص رشاي=ولاهيب تحتاج المواليف تأشيره
فلا له لزوم يزين أبليس لك جفواي=غرامٍ تبادلناه طارت عصافيره
تغني له الورقا ويعزف عليه الناي=وكلٍ على كيفه يكوسر مجاريره
ولن كان ودك تبتليني على بلواي=صبرت ونفذ صبري ولاأرجي مذاخيره
عذابك تبلاني عذابك بلاأستثناي=شكيتك على الدكتور وأعطى تقاريره
باأنك عناي ومنتهى علتي ودواي=وأنك زعيم البيض قايد غناديره
وأنك هوى بالي وتحيي الضمير أحياي=وأن الهوى والشوق في ايديك تدبيره
وأنك غرام الروح وأنك سبب بلواي=لاأني بليا غايتي سيرتي سيره
أنا مستعد أمدلك لوتبي يمناي=وأباأنسى دموع البين وأومي على طيره
ونبني صروح الحب من عقب طاح بناي=ونرتاح من جور الزمان وعواثيره
وترى من مطيحي ماتفرح ياكود أعداي=وأنا خاضعٍ لك فالغرام وتدابيره