[قسورة الغاب]

اقتباس من مشاركة الدربيل الشاعر وعليكم السلام ورحمة الله وبركاته صوتك وصل يالقسورة والدربيل حضر وابرك الساعات =========== بعض اشعراء هالوقت ياكاف البـــــلا = يجون لاهل الحفل لو مايعزمون يجيك واحدهم مثل ضبع الخـــــــــــلا = لو تربطه يسحب رباطه للصحون واليا ضرب بالخمس والبطن امتــــلا = يقول انا الشاعر عطوني مكرفون جهال واللي حولهم ناس اجهــــــــلا = عن وصفهم ياسامعيني تكرمون الشعر سامج وشعراء مامن حـــــــلا = عن مستوى اهل الشعر دايم ينقصون الشعر فيهم يا اهل الشعر ابتــــــــلا = والعيب والشرهه على اللي يسمعون يامدعين الشعر جبتو له بـــــــــــلا = امرضتوا الصاحين واعميتوا عيون أنتم على اهل الشعر ياحثال ادخــلا = ما انتم من اهل الشعر ياكبار البطون مافيكم اللي للشعر عنـــــــــــده ولا = ماتفهمون 0 وتعجنون 0 وتعصدون اخذوا عصائدكم وروحوا للخــــــلا = تلقون من يرقص لكم وتلحنون وقولوا يــــــــــالالا يالالالا يــــــــالالا = لالو ولالو لين حتى تصبحون ويا أهل الشعر يامرحبا والفٍ هــلا = فيهم عطوني رايكم لو تسمحون ولا تخلطون الوضح صفرا وشعلا = تفكيركم صبوه من ثلج المزون وصوتك وصل ومكملا ومجمــــلا = حضرت في موضوع عكس اللي تبون وأنا تراي لردكم مستعجـــــــــــلا = وعندي خبر بالواجبه ماتختفون عاداتكم رد البرا بين المــــــــــلا = والناس لولا افعالهم مايعرفون واختامها يامرحبا يامسهـــــــلآ = باللي مع ابواب القصيده يدخلون =========== عليك التنسيق يالقسورة اخوكم الصغير الدربيـــــــــل

الله الله

صح اللسانك يالدربيل

حي النباء من حيث مانوره جلا = وماغرد القمري علي خضر الغصوون
واعداد مانجمن علي القطب اعتلا = لين البدوو من طلعته يستبشروون
واليا ارزم العارض ورفرف واقبلا = علي خياله يرحلوون وينزلوون
وقع الحيا بعد الدهر كله حلا =لا اهتزت الخدان وزهت للعيوون
وتبخترت لطرافها شرب وكلا = وتزين الخد القفر من كل لوون
تلقا علي جال الغدير الشولا = والقووبعه مع ام سالم يرقصووون
وتلقا الضعن والذوود وتشووف الملا = ويمكن بعد ( بسم الله ) تحصل جنووون ههههه
الله ليا بارك رزق جل وعلا = ويغنيك في لقمه عن كبار الصحووون
يالشاعر الدربيل علمك ماخلا = وترا الاوادم كل عامٍ يرذلووون
ولازال بين العدل والميل اعدلا = لو اتخلا خبرت ولله ترجعوون
والله وكيل الناس ماني اموكلا = اليا لقا الاجرب ضحا يوومه زبووون
ماني مفرق شمل بيعتهم ولا = عن الجرب مقنع عرب مايقنعوون
كلٍ علي ماجاد عده ينهلا = والبدوو فالكنه عطاشٍ ياردوون
كم ساعد الوراد في دلوه دلا = زلالتٍن من دوونها رجال وحصوون
تل الرشا والغرب بالحمل اتعلا = يوووم البدووو عند الموارد يدحمووون ههههههه
وختامها سطرين تقدير وغلا = لشاعر الدربيل لازم ياقفوون
اقوولها والله يحييكم علي = بن وشبب ووعقال ووجار ودخوون