قست لحظه الذكرى بذكرى الفراق ومي
تذكرت من ياليتني ما تذكرته
ذكرته وجرح افراقنا وسط روحي ني
بعيدً تصورلي قريبً تصورته
وجوده بقلبي شي فارق وشوفه شي
حقايق خيالً لو تنكرت منكرته
صفالي الى حد احتراقي وجسمي حي
وانا اللي بطوعي واختياري تخيرته
احس بوجودي فيه يشبه وجوده في
ولاغاب عن عيني بالاعماق دورته
كوى القلب حبه وافترقنا وزادالكي
عسى الله يساعدني بصبرً تصبرته
لا في يديه الامر لالا ولا بيدي
تنحى ولا اخبرني وانا رحت مخبرته
نهايه هوى كل المحبين هذي هي
صويب الفراق ليا شكى الجرح قدرته