مراحب ابو فيصل وكل عام وانت بخير ..
القصيده هذي للشاعر /
فيصل مطلق الرثيع الصبيح الخالدي
وهالقصايد له ايضاً أثبات لما دار من شكوك لدى البعض
ابعطي عذولي شرح موجز مع التحليل
وبكتب حروف تسئلـه قبـل يسئلهـا
وبتلو عليه بسورة النـاس بالترتيـل
أذا فهمهـا والا بكـرر مـن أولـهـا
عذولي تجاهل سورة الحشر واهل الفيل
ترا الله يمهل نفـس ماهـو بيهملهـا
عذولي تبيني مثل غزه مـع اسرائيـل
تبي تستحـل النفـس قـدام تقتلهـا
وأنا النفس مارضى أذلها لو تزيدالشيل
أنـا اعينهـا بالصبـر والله يسهلهـا
عذولي تبي تفعل معي مافعـل قابيـل
تبي تقتل النفـس البريـه وتجهلهـا
عذولي على رغم الأشاره تبيني اذيـل
وأنا بي جنون القاف دقـت محافلهـا
تغني معي بالليل الاظلم على القنديـل
واحظر لها وأصغي لها مـا أجادلهـا
تسابق الساني بحرفها بين جيل وجيل
وتجيب الصحيفه قبل ماكتب وتنقلهـا
وأن لصراحه منطقي ما أحـب اعيـل
محافظ على نفسي ولاحـب اجاملهـا
عذولي تبيها مسابقه طايـرات وخيـل
قريبـه بعيـده تحلـم أنـك اتعادلهـا
عذولي شهر تشرين ماهو بشهر ابريل
تبي تعكس الصوره بصـوره تخيلهـا
تـرا الله بالمرصـاد يرسلـك أبابيـل
تقـدم اتأخـر ساعتـك مـن تنابلهـا
عذولي بكلمـه قلتهـا ماتهـد الحيـل
أمقوي عزومي خالق النـاس كافلهـا
ابعطيك بكلمه صادقـه مالهـا تبديـل
عباره صريحه لـك بعنـوان برسلهـا
تحب الحقيقه مانت طايل بيدك سهيـل
وذيك النجوم المبهمه مانـت واصلهـا
تعوذ بربـك وبلـل بدمعتـك منديـل
تكلـم بحـق وقـول أسـف لقايلهـا
===================================
اببدا بذكـر اللـي يبـدل نهـر ابليـل
إله(ن) خلق نفسي وفي يـوم يسئلهـا
بيوم(ن) انحضر كل(ن)ودفتر التسجيـل
ومعانا الشهود اللي على المتن نحملهـا
حفاة(ن) عراة وكل(ن) ومارجح بالكيـل
وعلينا الحسيب اللـي عبـاده تكفلهـا
إلأهي اتجنبني دروب(ن) لاهلهـا ميـل
لأن الصراحه منطقـي ماقـدر أجهلهـا
احب العدال وتاركن(ن)درب حط وشيـل
وأحب الدروب البيض والسود ماقبلهـا
لواني اعرف السيل لاقطع مجار السيـل
وجيها بوجه(ن) وجه مانـي بخاتلهـا
وانا لا حلمت ابقيل ماقـول لـي القيـل
ولانـي بحاجـه دام أنـا قدهـا وألهـا
على ماسمعت التيل واللي يـدق التيـل
على إذاعة(ن) بدبـي الأرسـال ينقلهـا
وسمعت البيوت اللي خذا حرفها تبديـل
وعرفت الرموز اللي خذتها مـن اولهـا
خطى والخطىماهوعلى مسرح التمثيـل
لولاهـي بروفـه مـن قراهـا يمثلهـا
معاي الدليل اللي يخلي العقـول اتزيـل
وبرهانهـا عنـدي وهــذي دلايلـهـا
وبسئل انفوس(ن)كان فيها الوفى مااتعيل
على الصالحه بالمصطلح مـن ينزلهـا
تبي مسحها بيديـك والأتبـي المزيـل
علـى ماتقـول وتشتهـي مـا تبدلهـا
لأني أبقرا وأرفـع الصـوت بالترتيـل
بأيـات رب الخالـق الكـون منزلـهـا
ترا الويل ثم الويل والويـل ثـم الويـل
على مسيلمه واعلومه اللي يروق الهـا
يسولف بها في مجلس العاقـل الهبيـل
يسولـف بهـا حتـى يقولـون قايلهـا
===============
دمت بخير .. وتحياتي لك