15-08-2010, 05:53 AM
|
|
الزواغم
ياكاتب التاريخ لحظه علشان..
تقرا حروف(ن) من زمان نعزفها
ابيات شعر انواع واشكال وألوان
مثل الورود ليا تخير قطفها
وثق كلامي دام للهرج برهان..
الحاضره تثبت مواقف سلفها
الزاغمي ناجي لنا ساس بنيان
رمز الشجاعه يوم خيله عسفها
يشهد له الماضي على كل ميدان
كم روس قوم من المهابه عكفها
عز الزواغم بالكرم صيت عنوان
شجرة وفا بالطيب كل عرفها
من ساس عبس الاوله والجلادان
هذي مراجعها وهذا شرفها
واليوم في حكمة هل العز والشان
عز البلاد وعز منهو حلفها
في حكم ابو متعب وفي عهد سلطان
يابقى الوطن في سيرته ماحرفها
للشاعر / سلطان الجلادي
|