الله مـن علـةٍ بالصـدر مخفيـهـا
من خوف الأنذال مـاودي تمهزابـي
اسايـر النفـس بأشعـاري وسليهـا
واحاول اثبت وجودي واملك اعصابي
والخطوه اللي بها تشكيـك مأمشيهـا
واحث نفسي عن الهفـوات ترقابـي
والنفـس لاشفتهـا زادت شكاويهـا
هديتها واعتليـت ابـراس مرقابـي
والناس ماهمنـي كثـرت حكاويهـا
حتى لو اللي حكوبي بعض الأقرابي
مقيول صعبه جميع النـاس ترضيهـا
لأرضيت طلاب حاجه جاك طلابـي
يالله ياللـي جميـع الخلـق تحييهـا
يامنزلٍ سـورة التوبـه والأحزابـي
تفـرج لعيـنٍ لذيـذ النـوم جافيهـا
تقول فيها حـروبٍ بيـن الأهدابـي
واسألك نفسي على الطاعـه تقويهـا
يواحدٍ من رجـى رحمتـك ماخابـي
سبع السموات تخضع لك بأراضيهـا
وشلون مايخضعون اصحاب الألبابي