فمان الله ياوجه الصباح وضحكـة الأطفـال
مدام انك على الفرقى نويتي مامعـي حيلـه
لمحة اسمك وشفت ارسالتك في شاشة الجوال
وفز القلب من بيـن المحانـي ويـش باقيلـه
خذيت ايام اطالع صورتك في عالي الأطـلال
وقلبي مـن بعـد فرقـاك غنابـك مواويلـه
جلست ابغيبتك عايش عذاب اغيابـك القتـال
ليا من جيـت ابأسلـى ماتفارقنـي تفاصيلـه
رحلتي مابقالي حيلتن فـي شوفتـك واحتـال
رحلتي ماتركتي غير ذكـرى حبـك اشيلـه
رحلتي والرحيل اللي بلا رجعه يسم الحـال
كفايه من رحلتـي زاد قلبـي فـي بهاذيلـه
رحلتي وابتسامات الفرح في مبسـم العـذال
وكلن صار ينقـل بالخبـر وصفـه وتحليلـه
رحلتي والغرام اللي بقى في داخلـي يختـال
شكالي من غيابك مادرى اني نـاوي اشكيلـه
وانا في حبك الهايم وفي درب الهوى رحـال
وبأرضى في نصيبي بالهوى واقبل غرابيلـه
عسى ليل الهجر لأقفى يعوضنا بليل اوصـال
ونرجـع للغـرام وللطريـق اللـي يوديلـه