السلام عليكم .. ورحمة الله وبركاته .. اقدم لكم هذه الابيات الغزليه الجديده .. ( اتمنى ان تحوز على رضاكم )
ناح الحمام وزود القلب بخلاج=ودموع عيني فوق خدي مداريج
من هاجسٍ يضرب مثل ضرب الامواج=بين الضماير موقعه والمساهيج
ليا طرى من شوفته كلها ابهاج=الجادل الغطروف سيد العماهيج
اللي عليه من المها عين واحجاج=والخد براق سراله تواهيج
بأطراف غرٍ بسماله تلعاج= تمطر مقاديمه وتلعج تلاعيج
ابو ثمان صف ما فيهن افلاج= مثل البرد من نو مزنٍ مراهيج
خشفٍ عليه القلب جافيه دولاج= وأحييت ليلي بالسهر والسواهيج
عندي وكنه من ورا ساحل العاج=حدوني اللي فعلهم بان بالهيج
دونه حدود وطوق الحد بسياج= ما تاصله رجلي ولا من مناهيج
يقطعك يا حبٍ ورا طرده احراج=هذا مثل منت خطات الهباليج
لا واهني الطير بالريش لا راج= مع الفضا ما مر نقطه وتخريج
حرٍ ليونس ضيم ولا اونس ازعاج= مد الجناح ولا يجامل بتهريج
يهوي مع اللجه تقل وصف ميراج= وعندك خبر في سرعة الطير والميج
اخوكم : مبارك السوارج ..