[رشيدي الشمال]

بسم الله الرحمن الرحيم
السلام عليكم ورحمة الله وبركاته
اسعد الله اوقاتكم بكل خير
احب ان اهديكم هذه القصيدة واتمنى ان تنال اعجابكم

[POEM="font="Simplified Arabic,4,darkblue,bold,normal" bkcolor="sienna" bkimage="backgrounds/23.gif" border="solid,4,darkblue" type=2 line=0 align=center use=sp num="0,black""]يالجيب هذا خط حائل مع الجـوف=اللي يسمـون الطريـق الجديـدي

عليك امان الله من كـل صـادوف=استلمه وتعرف وش اللي نريـدي

امن (الرادار)امن ولا يلحقك خوف=وغيره بامـان الله رب العبيـدي

انا علي مسك الدركسون والشوف=وانته عليك تقرب اللـي بعيـدي

نبي لنا دار(ن) بها القلـب مشغـوف=دار(ن) غلاها عايـش(ن) فـي وريـدي

عنها حدتنا احوال واعمال وظروف=وحبي لها لاابطيت عنهـا يزيـدي

احبها والحـب معلـن ومكشـوف=وعليه سلطان المحبـه شهيـدي

دار(ن)لنا فيها مواثيـق وحلـوف=مع واحد(ن)بالناس وصفه فريدي

صحيح جاهل بالمحبـه وملقـوف=ومغرور في زينه وطبعه عنيـدي

لكن حرام ان التعب معه مخلـوف=وانه بدنيا الحـب حبـه رصيـدي

حبه لي اشوفه جمالـه ومعـروف=وشلون لاقال انت بالحب سيـدي

اول نجي ونروح مايعدنا ضيـوف=واليوم سموني شمالي رشيـدي[/POEM]

الموضوع الأصلي: يالجيب هذا خط حائل مع الجـوف=اللي يسمـون الطريـق الجديـدي | | الكاتب: رشيدي الشمال | | المصدر: شبكة بني عبس