[فلاح الرشيدي]

بسم الله الرحمن الرحيم
السلام عليكم ورحمة الله وبركاته
احببت ان اهدي لكم هذه القصيدة
للمبدع الشاعر/سعد بن جدلان
امل ان تنال اعجابكم

ون ابن جدلان من لايعن لاعه ** كن في صدري دوافير صناعي

العب المنكوس واحب روباعه ** مملن في الوقت والوقت خداعي

ما دريت ان ضحكة الوقت خداعه ** شفت مدخالي ولا شفت مطلاعي

لا بغيت اسج ولا انبسط ساعه ** دق قلبي من ورا حدب الاضلاعي

كن من بين الضلوع الة طباعه ** تشتغل لا نمت واقوم مرتاعي

وهم قلبي ما يفرق تجماعه ** غير جر الصوت والناس هجاعي

فاقدن لي سلعتن واكبر بضاعه ** سلعتن تشرا ولاهي بتنباعي

رفقة الطيب الا غير اطباعه ** اشهد انها كيتن توجع اوجاعي

راكب اللي صممه صاحب صناعه ** جمس بيك اب من حديثات الانواعي

لا وطا الارض العتش كن تهزاعه ** بنت شيخٍٍٍٍٍن طامحن من ولد راعي

في رجا الغايب تحرا لمرجاعه ** تنقد العشاق وتطق الاصباعي

نفسها من جملةالناس منصاعه ** ما تبغي الا واحدن ذكره ايشاعي

تدور اللي ياخذ الطيب بذراعه ** الصديق الصافي الصامل الواعي

الوفا والطيب ساسه ومنباعه ** يوم بعض الطيب تقليد وصناعي

انشدو ويش السبايب بمهزاعه ** لا علي ناقص ولا ابيه فزاعي

كان يبغا الحق للحق قطاعه ** نقنعه والحق ما عنه مجزاعي

وان كان مبغظ فالرياجيل بتاعه ** لا يجي ناقد ويلحقني رياعي

للصديق نخلي النفس خضاعه ** ما نوريه الجفا والتمطاعي

الصداقه عندنا ذخر وطماعه ** صحبتن ماهي بصحبة تمتاعي

حد جدتها على البرق لماعه ** وان خذت يومين مفعولها ضاعي

فان تليمنا على العز والطاعه ** وان تفرقنا فجوج الله وساعي

مطرد المقفي اليا سفط شراعه ** مخبل اللي للمقفين تباعي

ومن يحط اذنه على كل سماعه ** جاه فرقا ما بعدها تجماعي

والزباد اختام هرجي ومطلاعه ** يدفعه مع ريحة المسك ذعذاعي

الموضوع الأصلي: قصيدة في القمة الشعريه | | الكاتب: فلاح الرشيدي | | المصدر: شبكة بني عبس