تعال نعيش هاللحظه وننسى الهم والحسرا
ظروف الوقت تجبرنا ولابيديك ويدينا
وحاول يبتسم يخفي عيونٍ هلت العبرا
من الحرمان والضيقه على اللقيا تواسينا
وكف الليل عن وجهٍ يشابه طلعة القمرا
واشوف الشوق في عينه من اللهفه ينادينا
وانا قلبي من الفرقا احس انه على جمرا
بعد هالليل مابه ليل في دربه يسرينا
سوى طيفه ليامن لاح يجبرني على المسرا
تسير اقدام رجلي صوب داعيها تعنينا
انا ادري ماهو بكيفه ليامن طوّل الهجرا
ظروف الوقت ماصارت على رغبة امانينا