انتي كتلة من جمـود المشاعـر مـا تثيـر
مـا مليتـي لـي حياتـي حنـان وعاطفـة
ايه انا ضايع بدنيـاي وابغـى حـب غيـر
الله اقوى يـا مشاعـرك يـا هـي ناشفـة
ما يصيـر اللـي تسويـه والله مـا يصيـر
يوم انا امشي في الهوى ( عام ) وانتي واقفه
كنـي ام تعطـي الحـب للطفـل الصغيـر
يا كثر ما اعطيت يا بنـت وانتـي عارفـه
كنت مخلص واعطي اخلاص منقَطْع النظير
وفي الهوى والحب يا بنـت قلبـي كارفـه
كان حبي لك مـن الشـوق واللهفـه كبيـر
وكان حبك لي تسالـي .. (مجـرد سالفـه)
واكتشفت اني على القلـب مانـي بالاميـر
يوم كانـت لـك جميـع المشاعـر جارفـه
كنتي لي صحرا بها القيظ والنسمـه هجيـر
يوم انا لـك مثـل نخـل ٍ ظلالـه وارفـه
اكتوى قلبي بنار الهـوى واصبـح خطيـر
اكتـوى بنـار التغلـي وعيـنـي ذارفــه
الجروح اللي بصـدري تعاقـب بالضميـر
اثخنـت قلبـي جـروح الهـوى مترادفـه
وقفي يـا بنـت لحظـه لتحديـد المصيـر
اسمحيلي بانسحب من حياتك كاااااااااااااافـه