وقالت ليت (زراعي) يجي مثلك رقيق شعور
الا ليته يقدر فوحة الورده ويرويها
ولكن حضي العاثر ونفسٍ ماتطيع الشور
هبوبٍ ماعطتني غير من عاتي سوافيها
الا يا وردة البستان واجد يعشقون البور
كثير اللي بعد مايقطف الازهار يرميها
الا ياكثر ما ماتن على ذاك الطريق زهور
عبر لاكن؟ قليل اللي تنبه واعتبر فيها؟؟!
نصيحه من ضميرٍ مايحب العيب والمحضور
نصيحه تشمل المعني ،، وسامعها ،، وقاريها
ترى الغلطه تموّت لو تجي من مشرط الدكتور
وذا ماتت عروق الورد مابه شي يحييها
تعيش الورده بعرقٍ يغذيها نقى وطهور
ولاكن بعد ما تقطف تموت ولا يغذيها