02-08-2010, 04:01 AM
|
|
اوكان قصدك بعض هرجي والسواليف الرقاقه النوايا بيض من شخصِ يداعبك بموزوحه
احرجتني يوم قالت لاتمدا بالعلاقه
رد قلبك لا يواصل يامحمد في جموحه
قلت يابنت الرجال اللي لهم صيت وعراقه
استريحي قلب صدري عارفٍ غايت طموحه
تبت من طرد الهوى معادلي بالغي طاقه
وش عطاني غير همٍ ذوب الخفاق فوحه
وكان قصدك بعض هرجي والسواليف الرقاقه
النوايا بيض من شخصِ يداعبك بموزوحه
اسكتت لحضه وقالت الهوى علقم مذاقه!!
في زمنا معطنا غير للوعاته ونوحه
ورددت لي الصداقه ،، الصداقه ،، الصداقه
ردد تها لين حسيت انها صارت لحوحه
قلت طيب ياحسين القد يانبع الرشاقه
مرحبابك في خفوقٍ للصداقه ساق روحه
رغم مابه ماشكا للناس همه واحتراقه
شرّب قلوبٍ تحبه ضحكةٍ تخفي جروحه
حافظٍ عهده وسره رغم ثورات اشتياقه
وصار لهل الطيب والناموس والطالات دوحه
في زمانن ابتلشنا فيه بانواع العلاقه
وصار فيه الهرج يزعل بعض خلق الله وضوحه
اقلطي به يابعد كل الملا ياام اللباقه
وعانقي عذب القوافي لا سرى للشعر بوحه
الشاعر محمد بن دحيلان
|