ملّت السكة خطـاي وملّـت الجـدران ظلّـي
والشموس الّي تحرق الكون ذوّبهـا الظـلال
جيتك آجر الـدروب بكـفّ عيّـت لا تملّـي
قلت مستعجل ياكفي ؟ التفت والدمـع سـال
خاف بعضي من كلامي واتّفق بعضي وكلّـي
يتركوني في مكانـي لـو أكـرر هالسـؤال
ثم جيتـك والأمانـي كـلّ مانقـرب تهلّـي
تصرخ بوجه الظروف وتعبس بوجه المحـال
جيت لك وارجوك تصفح عن هواجيسي ياخلّي
دار بيني وبين فكـري بعـد فرقانـا جـدال
كنت ناوي ما أجيلـك قلـت اورّيـه التغلّـي
قلت ابثقل في وصالي لين يطلبنـي الوصـال
ويوم مع قلبي اتفقنا مادريت الا وانـا الـيّ
واقفٍ قدام بابك ..واثر شوقـي لـك خيـال
لاتلوم ولاتّعجـب حـطّ نفسـك فـي محّلـي
عاصفٍ من زود شوقه فتّت رمـوش الرمـال
طالبك وصلك ولكن لـو تغيّـر شـي قلّـي
صرّح بكل ما تودّة وان خجلت اضرب مثـال
واضح وقلبي كبير ودون حبي سيـف ذلّـي
وانت مثلي وزدت عنّي وانت مملكـة الـدلال
يا ملاك الطهر جيتك ملّـت الجـدران ظّلـي
والشموس الّي شربها الكون نـادت للظـلال