ليتني قبل اشرح الظرف واهل العلوم
اعرف وش تاليتها قبل لاهلها
لجل مايعرف لزومي سوا قاضي اللزوم
لاتساوى كثر بعض الرجال وقلها
جلبت الرجال وجهه لاحدتة الهموم
ودك انها ماتجي الى وهي في حلها
ودي اصارع اهمومي خفى تسعين يوم
ولايدري عنهاالي ماهو بكفو لها
اليالي بيحت بي وانا رجل كتوم
بين رجوى ياعساها ويالعلها
والله ان مايكوي الادمي كي الوسوم
غير هقواته ليا خالفت محلها
وان بغيتو زبدة السالفه على العموم
النواياء مثل الالغاز يصعب حلها
لكن اخير من دروس االنحو ولا العلوم
مدرسة الايام لابينت سجلها
من حقايقها عرفت الدفاع من الهجوم
وانجلت غمامة الشك واقفى ظلها
اشهد ان مايملكون القروم الى القروم
القروم اللي على الطيب يعرف دلها