قالوا...: تحبه... قلت...: وأحـب ماطـاه
وأحـب الأرض اللـي وطتهـا مواطـيـه
قالوا...: تـوده... قلـت...: وأود موتـاه
وأود حيّـه مـع هـلـه مــع عوانـيـه
قالوا...: يشوقك... قلت...: ياناس ويـلاه
زود أشتياقـي لــه بقلـبـي مـواريـه
قالوا...: تعشقه... قلت...: عشق المـداراه
ماجيـب لـه سيـره ولا بحـالٍ أطـريـه
قالوا...: يحبك... قلت...: مدري عن أقصاه
ولـدري لـوّ إن الزيـن حـبـي معنـيـه
قالوا...: يودك... قلت...: ماأعلـم خفايـاه
والظاهـر إنـه مثـلـي الــود كـاويـه
قالوا...: تشوقه... قلت...: أبنشد حلايـاه
إن كـان شـوق البنـت تقـدر تـداريـه
قالوا...: يعشقك ... قلت...: أببحث نواياه
واليـا قـدرت أعـرف نوايـاه برضـيـه