[الاجهر]

تكفون خلوه .. لا تحصون غلطاته ..
انا ادري تلف حالي وضيعني ..

وادري سواة العدو ابرك من سواته ..
بس ان قلبي واعرفه ما يطاوعني ..!

هذاك انا اضيع لا طالعت نظراته ..
بعيونه السود يسمح لي ويمنعني ..

احلى علامات بالدنيا علاماته ..
متع نظر كل من شافه ومتعني ..

خلوه يخطي انا راضي بسيائته
يخطي بكيفه ولكن لا يقاطعني..

من كثر ما اغليه صرت افرح بزلاته ..
ولو قلتوا اخطا عليك .. اقول وش يعني ..

خلاني امشي على كيفه ومشهاته ..
طوعني شلون ..؟؟ مدري .. بس طوعني

( مختارة )

الموضوع الأصلي: طوعني شلون ..؟؟ مدري .. بس طوعني | | الكاتب: الاجهر | | المصدر: شبكة بني عبس