المقادير
حزمتين كبار بقدونس مقطعين صغار (مفرومين )
3 بصلات متوسطة مفرومين
5 طماطات متوسطين مفرومين .. كمان
جزرتين مبشورين
فلفل اسود
ملح
ليمون اسود ناعم
5 اكواب رز مصري شخصيا افضل صن وايت
الطريقه:
عالنار نحط شوية زيت ونحط البصل لين يذوب ( بدون ما يتحمر )
نضيف الجزر ونخلط كم دقيقة
بعدين الطماط ونخلط
بعدين البقدونس والبهارات وكمان نخلط
ونصب ماي ونخلط لين يغلي الخليط
بعدين نضيف الرز ونضيف ماي حار
وغطي الجدر حتى يستوي العيش ثلالث ارباع السوى او حتى ينشف الماي كأن نسوي مجبوس
بصراحة ما اعرف كمية الماي
في قاع الجدر نحط طبقتين بطاط
ونصف الورق عنب
ونضيف كوبين زيت زيتون
و8 ليمونات
وماي يغطي الورق عنب وشوي زيادة
نغطي الورق عنب بصحن ثقيل
اول ثلث ساعة نعلي عالنار وبعدها يحتاج من ساعتين الى ثلاث
ملاحظة:
يحتاج بعد نص الوقت نضيف ماء
بعد ما يخلص طباخ :
نصك الشولة ونخلي الجدر متسكر راسه لمدة ساعة على الاقل
انا دوم هذي طريقتي علمتها وايد حريم وفعلا كان شي عجيب
واللي تسأل ريلي بيقول اني احسن وحدة تسوي ورق عنب
تصدقون وانا اكتب المشاركة سعابيلي انزلت ( لوعت كبدكم )
على فكرة انا دوم ازيد كمية الخلطة شوي لان عيالي يحبونها
ف .. اذا زادت الخلطة حطيها عالنار مع شوية ملح وماي و معجون طماط وخلية يستوي على راحته
والعيش يصبر عيالي على ما يخلص الورق عنب
الطريقه بالصور
نحط البصل على النار مع شويه زيت زيتون
وبعدين نضيف الجزر
وبعدين نحط الطماط
وبعدين نضيف البهارات
ونضيف البقدونس
وبعدين نحط ماء
ونضيف الرز المصري
ونخليه لين ينشف الماء او ينجبس
نبدي نلف الورق
لين يصير بهالطريقه
وبعدين نصف طماط وفوقه بطاطس
وبعدين نصف الورق عنب
ونضيف الماي والزيت والليمون
لين يطبخ
ويصير جذي
طبعا القدرين مختلفين قبل وبعد الطبخ لاني سويت قدرين لي ولبيت الماما
شوفوا النتيجه
عليكم بالعافيه