يالله الرحمـن يــاربٍ رحـيـم
يامسوينـا علـى دينـك سـوى
نطلبـك يـارب جنـآت النعـيـم
وتآمن عبآدك عن صدوف النوى
كـل ماهبـت نسانيـس النسيـم
كن ذيبٍ وسط اضلاعـي عـوى
قمت اسج الرجل في دربٍ عتيـم
واغبط افراحي على هم ً ضـوى
ماهقيـت الـي مشـا فالمستقيـم
يطعنه شخصً عزيزً بـه غـوى
( صاحبي ) يامسندي عن كل ضيم
ياذراعـي الـي تـوه مالـتـوى
آخبرك ياصاحبي . م انت بغشيـم
لا ولابـك فالـرديـه محـتـوى
اعرفك ياخوك مـن وقـتٍ قديـم
طيـبٍ صيتـك ولا كنـه هـوى
كيف تصبح لي بعد طيبك سقيـم
ليتني ماعشت وشفتك هالسـوى
ابك انا ناقص ؟ تذوقنـي جحيـم
حسبي الله فالزمـن فيمـا حـوى
صدق من قـال الكرآمـه للكريـم
والردي لو طآب طيبـه ماقـوى
الصحيب الي لـوت كفـه حريـم
وخلته يجنـح عليهـا وانـزوى
ماهو اب رجـال .. والله العظيـم
نفس طبع البنت لو صآح ونـوى
من يبدي بنت في رجـل ويهيـم
ماشرب كآس المرآجل وارتـوى
الله وكبر ؟ جبتها وسط الصميم !
اشهد إن الي حصـل مالـه دوى
ادمح الزله .. ولو هي من خصيم
مير زلـة صاحبـي ؟ مانتطـوى