22-07-2010, 06:56 AM
|
|
راسك علامك رافعه يوم احاجيك
راسك علامك رافعه يوم احاجيك
الظاهر اني فوق حجمك عطيتك
لحظه...نبي نرجع دقيقه لماضيك
بذكرك في اي حاله لقيتك
كان الضياع ودمعتينك تخاويك
منهار وفي عز انهيارك خذيتك
وارخصت عمري لجل احبك واداريك
هدمت قصر الذل فيك وبنيتك
كان الغلا شمعه تنور لياليك
ولو اظلمت دنياك جيت وضويتك
يالاسف كنت امدحك وافتخر فيك
رفعت من شانك وعليت صيتك
كنت انت ... عندي غير ومقدر اخليك
واموت واحيا ان قلت سم وفديتك
واليوم اشوفك خنت حتى مباديك
صغرت في عيني وانا اللي هويتك
الضيف لو انه عدو من معاديك
غصب غليك تقدره وسط بيتك
ياصاحبي بتموت ماني براجيك
واشره عليك ان كان حتى طريتك
لا صار ذل النفس في قلب يغليك
يلعنك ياقلب عشقك وشريتك
( اضحك حبيبي دام وقتك مسليك
باجر تموت من القهر لا نسيتك )
|