يازين صدقني بعد ذقت فرقاك = ماغاب طيفك عن عيوني شويه
دايم علي بالي خيالك ونجواك = واشفق علي نظراتك الشاعريه
ياشيب قلبي كلما حل طرياك = لاقمت ارحب فيك بارضن خليه
هلا بطيفك وانبلاجك وذكراك = وشلون احيي فيك يالله حيه
هلا فبعدك واقترابك ومرساك = هلا بمطراق الضلووع الحنيه
يازين لو بعدك عن العين نساك = انكان حالي منك ماهي شقيه
ولا بعد واساني ولا الشوق عناك = والكل منا في فؤاده بليه
بعدك ظلم قلبي وعزم علي لقاك = جافا ظلوعي والعروق النديه
سري قبل عامين يازين ماجاك ؟؟؟ = ماشفت قلبي ياحبيبي هنيه
لاجاك قل حالي مالي فداياك = وخله معك لاترد قلبي عليه
يمكن تجي وتجيب هالقلب وياك = مادام باقن بي معاليق حيه
ولاصار شوقي ونشغالي لعيناك = والحب من عيني لعينك هديه
تستاهلين الحب والقلب كد جاك = وهذي تواقيع العشر من يديه
وان كان تذكرني انا مقدر انساك = عليك مني كل ليله تحيه