[عايض الدمح]

بسم الله الرحمن الرحيم

اهداء:

مني لقبيلتي بني رشيد قبيلة الامجاد

والمعذرة على القصور .

بسم الله ابدأ بالبيوت المطاريش
مني على بيض الورق واخرشـها.
خرش الحراراللي تصيد ابرق الريش
الـــوافيات الي تخفي عشـــــشها.
واحدها حد الضما للمعاطيش
في لاهب الكنه وصغرت خششها.
أورد الجزلات والا على ويش
أبـدا بها لاصار مروي عطـــشها.
هنا ورد(ن) غيل واخترت بشويش
النـادرة في عبـس أعتم وحــشها.
بني رشيد ان صار في الجو تشويش
قبــيلة مكــر الـزمن ما وحـــشها.
قبل الرسول وعنترة أسطورة الجيش
تشـهد ستــاير مكــة اللي نقـــشها.
وام المعارك داحس وغبرة الطيش
أكبـــر معالم واحد(ن) ما فتـــشها.
يومه زهم جدة قطفان قال ايش
أنا ولــد عدنـان بن حمـل عـــشها.
ابن اسماعيل أمطري يارشاريش
واسقي علاوي جبالها مع دشـشها.
سلايل امجاد ماهي هتاتيش
الاولــه حنا لها ......وانت عـــشها.
ربعي هل الجزلات يوم المحاويش
صولات قوم القوم ماحد(ن) عكـشها.
على حياض الموت وردوا مطانيش
وطــــــوا على حياتــها مع حنـــشها.
وردوا برمح وسيف ماهي شواقيش
كم شايش(ن) من سحبها جاء نعشها.
على مهار لايقة بالنواحيش
استغفــــر الله الله بخلقـــــة عرشها.
عدوهم ذاق المرارة طشاطيش
ردع(ن) لنفس (ن) ما تجاهد طفـشها.
عن الضعافة ما سعوا بالمفاتيش
مبــاعدين اكتافهـــم عن وغــــشها.
ودخيلهم سالم ومعهم كذا يعيش
البيت بيتــه وان بغى مع دبـــشها.
خويهم لاجله يبيعونها شيش
ماهمهم ناس(ن) تلوي شــوشها.
والضيف ياخذ واجبه دون تطنيش
يقلط على اطيب ما شحمها غطشها.
وهذي سلوم اسلافنا قبل ما أعيش
واليـوم بالانعـــام ربي نغـــشها.
في ظل حكام السعود المباشيش
عيال عود(ن) مــاتهاون دغـــشها.
أسس حدود ولم ناس(ن) مطاشيش
وارتــاح بـال اللي سكن في عــرشها.
وكل القبايل بالمراجل مباطيش
على الجزالــة ما تلـوت اخشــشها.
هنا وصلو على نبين من قريش
محمـــد المرسول زايـل طفـــشها.

الشاعر :
عـــايض الدمـــح

الموضوع الأصلي: بني رشيد ان صار في الجو تشويش | | الكاتب: عايض الدمح | | المصدر: شبكة بني عبس