تصدق عاد واحنا بعاد يجيني الهم واهلـي بـه
واقول اهلين يا خلـي زمـان وتـوك تجينـي
اكيد انك عرفت اني بجرحي وليلي اسـري بـه
واكيد انك تبي تعرف سبب دمع ٍ جـرح عينـي
طبيعي دام انـا عاشـق بدنيـا مـا بهـا طيبـه
اعاني قسـوة الواقـع وادواي طعنـة سنينـي
تصدق عشت انا حب ٍ شرف لي كـان تجريبـه
ولكن هـذا احساسـي عجيـب امـره يعنّينـي
وابد ما اظلم احساسي حقيقـه خلـي ادري بـه
غروره بنفسه احكايـه وظلمـه حيـل يشقينـي
عطيته بالهوى قلب ٍ عشـق جرحـه وعذاريبـه
وروح ٍ ما تبـي منـه سـوا بالعـدل يجزينـي
تمنيت العمر جنبـه.. واعيـش حبـه وتعذيبـه
وتمنيت اني لا احتجته الاقي حضنـه يحوينـي
زمن يرفض فرح قلبي واحساسـي يغنـي بـه
وياخـذ بالامـل فرصـه يبيهـا مـره اتجينـي
خساره ما حسبت الجرح يجيني دون ما ادري به
وكنت اعيـش بـه حـب ٍ يموتنـي ويحيينـي
ولكن خذ وعد مني ما دام احساسي يطري بـه
بيبقى في حياتي حلـم اهوجـس بـه ويسلينـي
وبرسم صورته طيـف ٍ وبدعـي ربـي يجيبـه
واذا ربي كتب لقيـا فهـذي بعمـري تكفينـي
؛،,,,,,,,,,