حظ الفرح طايح ولاراضي يقوم
........ والهموم اللي ماأبيهن .. يجن
هذا حالي / من الراحه محروم
......... كل ماافرح شوي (أرجع أأن)
من كثر حزني أحس اني معدوم
....... وكن إحساسي / شيء لم يكن
من كثر مافيني أشواك وسموم
......... صرت أعزف من اوجاعي لحن
تبيعني الراحه والضيقه تسوم
......... واروح بيعـه .. وافراحي الثمن
ماابالغ بالحزن / ولاودي يدوم
......... بس كل مانسيته تذكرني وفطن
كنه يذكرني مع بيض الغيـوم
......... وكنه يرهني للضيقه .. "رهـن"
تعبت منه تعبت من عد النجوم
......... تعبت من قولة : بفرح غـدن !
معي من كف الحياة كم يوم
......... ومعي لنهاية طريقي .. كفن
والعمر ملزوم اني اعيشه لزوم
......... لو إن مابه فرح ، وكله حزن
إشتقت لـ "عيني" ولقلبه الرحوم
......... وإشتقت لكل أحباب "المسن"
يالله يارحمن / ياحي ياقيّـوم
......... تجمعني فيهم بجنات العدن