حبيبتي هاتي يديكي واسمعـي شعـر ٍ كتبتـه
من زود شوقي والوله ماجاني البـارح رقـاد
انتظر ساعة لقانـا وبيـدي ورد ٍ قـد قطفتـه
خوفي يذبل يا حياتي وياخـذك منـي بالبعـاد
ياني مليت التياعي لو وصفتـه مـا وصفتـه
مثل نار ٍ احرقتنـي مـا كساهـا لـو رمـاد
شفت في بُعدك همومي والفرح ماعاد شفتـه
وكل همي لـو دقيقـه فيهـا يرتـاح الفـؤاد
والله إني في غيابك مثـل مجنـون ٍ ذكرتـه
يوم خلته الحبيبـه قـام ينـادي الكـل سعـاد
يا غلى الدنيا فديتك هـذا حبـي لـك وهبتـه
لا قديم ٍ قـد ملكنـي ولا بعـد ربـع ٍ جـداد
كان لي ذرة معز ّه هاتي قلـب ٍ قـد عشقتـه
عيشيني فـي سعـاده بالرضـى او بالعنـاد
راضي في حبك حياتي لو عذابي منك ذقتـه
راضي ابحلوك ومرك راضي لو جرحك وداد
دام قلبي في هيامه وانتي اغلى مـن عرفتـه
والله ما غيـرك احبـه يحفظـك رب العبـاد