ياملّ قلبٍ .. كل ماجاب .. طرياه
ساق المشاعر .. كلها له .. ووجّه
من كثر ماذاق الغبينه .. بفرقاه !
لوكان بيده .. كان معها .. توجّه ..
ولولا الضلوع اللي تحده وترعاه ..!
من كثر شوقه .. كان صدري .. يفجّه
كنه كسير الطير .. لااخطيت مرماه
من حالته .. يامنجّي الطير .. نجّه
ولامن عجز .. لاياصله .. عاد ذكراه
وأدوى معاه الفكر .. وأبطى .. بسجّه
واتخيله .. واحكي معه .. واسمع حكاه
ويحجب خياله .. دمع عينٍ .. تزجّه
واعاتبه .. من دون .. لا ابيّح خفاه
خوفٍ على طيفه .. عتابي .. يهجّه
وأنشده .. من غيبته .. وشلون دنياه
وعساه في راحه .. ولااحدٍ يصجّه
ومن السبب في غيبته .. ليه وش جاه
ولا اعذره .. لوجاب لي .. ألف حجّه
وذي حالتي .. من غايبٍ نار فرقاه ..
اقفت على المحصول .. في يوم عجه
خلٍ .. قطع عهده معي .. كيف بنساه
رج الخفوق ... الله مثلي يرجه ..