لك التحية بالميات وبالألوف
لك التحية مالها عندي عدد
ياحلو وجهك غير وجهك مااشوف
ياحلو وجهك مامثل وجهك احد
وربي إني ما أخليها تطوف
شوفتك يالوجه الطفولي في المهد
إن غبت فالغيبة:تسببها الظروف
لكن وربي من خيالي ما ابتعد
هم يحسدوني فيك يالعذب اللطوف
مايعرفون أنك كذا ضد الحسد
ليت الزمن ليت الزمن لحظة يروف
كان أجعلك قربي وقربي للأبد
باعتني الدنيا وباعتني الصدوف
المضطهد يبقى على أسمه مضطهد
أشيل همٍ مايشال على الكتوف
والظاهر انه ما يشال على الجسد
ميّت وصادفني كثير من الحتوف
ماني بمحتاج الكفن والآ اللحد
أقول طاف السبت والباقي يطوف
واتفاجأ أني ماتعديت الأحد