اهداء الي هذه الصفحه
يـا عـبـوس الـوجـه حــاول تـفـلّ الحاجبـيـن
إبتسـم .. وانفـض حجاجـك وشـوف المنظـره
تـعـرف أنّ الإبتسـامـه لـهــا مـعـنـى ً ثـمـيـن
يــوم حـطّـت فــي مـلامـح مـحـيـاك أثـمــره
ميـر لا تبـخـل بـهـا .. عــن وجـيـه المسلمـيـن
خـلّ وجـهـك مسـفـر مــع الوجـيـه المسـفـره
ليـه جالـس تجمـع الضـيـق مهـمـوم وحـزيـن
لا يعشـعـش فـوقـك الـهـمّ .. وأنـتــه تـقــدره
عـــوّد لـسـانـك عـلــى ذكـــر ربّ العالـمـيـن
أذكر الله .. وأحمده .. وأشكره .. وإستغفره
و الـصــلاة بوقـتـهـا تـجـلـي الـهــم الـدفـيـن
إستـعـن بمواظبـتـهـا عـلــى الـلــيّ تـشـعـره
ومـع صلاتـك .. شـدّ حيلـك فـي بـرّ الوالـديـن
إخفـض جناحـك لهـم كـان تبـغـى المغـفـره
وأطـلــب الله بالمـصـايـب يــمــدّك بالـيـقـيـن
المـصـايـب مـسـتـديـره .. والأرض مــــدوّره
وكـان قامـت تشغلـك نزغـة إبلـيـس اللعـيـن
إستـعـذ مــن نـزغـة ابلـيـس وإلـعــن خـيّــره
و لا تجـي شــذاب عـرقـوب يــا ذرب اليمـيـن
النمـيـمـه سـلـعـة الــــلاش رجــــال ومــــره
قـل لبـو نمّـات .. خلّـك علـى سـمـن وسمـيـن
لا تـحــوّل فـــي مـغـبّـة وسـيــع الـحـنـجـره
ولا تــدوّر شــور مــن واحـــد ٍ مـافـيـه ديـــن
لــو يـسـطّـر سـيـرتـه .. بالـقـلـم والمـسـطـره
وأعـرف ان الّـرزق مكتـوب والقـاسـي يلـيـن
والله الــلــي يـغـنــي الـعـبــد .. وإلا يـفـقــره
أعـظـم الأخــلاق فــي منـهـج الـحـق المبـيـن
بيـن كظـم الغـيـض .. والعـفـو عـنـد المـقـدره
أنصحك وأنصح معـك نفسـي ويـا الله تعيـن
مـن لـحـود الـنـاس قـامـت تفـيـض المقـبـره
مـا نبـى إلاّ روضـة ٍ مـن ريــاض الصالحـيـن
عـقـب نشـتـال المـتـاع .. ونـقـصّ الـتـذكـره
الشاعر سداح