مرسول الاحباب الجديد
ياليل انا بنشدك ورجوك قلي ~ عني خـبرهـا امـانتك لاتخفيه
ياليل ماغيرك معاها فطن لي ~ تحت ســتارك وقتنا دوم نقضيه
اقفوا بها ياليل عن موطن لي ~ ياليل راح وصـادق العشق طاويه
واليوم ابيك اتوصله كلمةٍ لي ~ وتحمل معــك مني تحيه وتهديه
مني ســلاماً عد مــايستهلي ~ رعــاد بــراق ٍ يسيل مفاليه
ياليل لاتتعب وخليك عجلي ~ ياليل لو بالوصــف تبعد حراويه
لابد ماتلقى الذي وافيٍ لي ~ اللي عليه القـــلب باحت خوافيه
سلم عليها وقلها ماحصل لي ~ واشــرح لها وضعي بمره وحاليه
قله بعدك من السهر مايملي ~ مهوجــسٍ في مامضى من لياليه
وخذ مايقول وبالعجل منه عدلي ~ وكل الذي قاله لك اليوم عطنيه
ولكم تحياتي
آخر تعديل بواسطة كاتب الرشيدي ، 28-06-2010 الساعة 05:06 PM.
|