البارحه سر الهواجيس بيّح
واغرقت تفكيري ولاني حواليك
البُعد حال وحال مغليك طيّح
وطْي حالي يا غلاك وتغليك
وين انت ياإللي كل مابك مليّح
مملوح خلقه والحلا منك وإليك
ياقلبٍ ابيض ياضميرٍ صريّح
ياتحفةً تقطف زهى العْمر بيديك
قلبي بعد فرقاك طفلٍ يصيّح
وامسى على اطلال المواجع يناديك
تعال ضمه بالحنان المبيّح
لاتتركه وسط الضمى والتهاليك
يامن عليك الشووق قام يتفيّح
وآفوح صدري كل ماحْل طاريك
فوح الدلال اللي على الجمر فْيّح
الجمر يصلاها وانا كيف آصاليك
وهذي دموعي من تجافيك سْيّح
ساحت وفاء وانته امطوّل تجافيك
بالله ريّحني عشان آآتريّح
ترا العذاب اللي مضى منك يكفيك