على نور الصباح الجو، هادي والمطر هتّان
نسيمه عْذب واطراف السحاب الغر تغريني
وانا شاعر شعوري مثل طيراً يكفخ الجنحان
يوديني وانا ادري وين لاجاني يوديني
يوديني مع احلى صبح لااحلى عشق ضْم انسان
والا يارب صبّح بالغلا عشقي ومغليني
صباح الخير،،ياأطهر قلب كْن الحب والتحنان
صباح الخير،،ياعشقً نبت داخل شراييني
صباح الخير،،ياحبً بناء له بالحشاء مسكان
صباح النور،،يانورالصباح،، وشمعة اسنيني
صباح الحب ياالحب العظيم وياعظيم الشأن
قبل يدبر صباح الخير لو ماعاد يمديني
بعدها هاك قلبي يافرح قلبي دوا الآحزاان
ابا امد إلك قلبي ياغلاآآي ابراحة إيديني
خذه وتشوف حبك داخله يادْر يافتان
وإذا مااكفاك اخذ عيني عسى تفداك ياعيني
اخذ وحده وخل الثانيه لمواجه الخلان
عشان اشوف وجهً عن جميع الناس يغنيني