[فيصل المظيبرى]

[POEM="font="Simplified Arabic,5,royalblue,bold,normal" bkcolor="transparent" bkimage="" border="none,10,gray" type=2 line=0 align=center use=ex num="0,black""]اهداء لاعضاء وزوار شبكة عبس مع الموده والتقدير
الليل لو طال باكر مشرق ٍ غده=والشمس لوتنحني للليل وقاده
والمزح تعبير لللي فاقد ٍ جده=والصمت مرات فوق البوح وأبعاده
والحب مثل البحر في جزره ومده=والبعد مر وحلات الوصل ميعاده
والشوق قاسي اليامنه وصل حده=خص ٍ الياصار شوق القلب لبلاده
والوقت مثل النضا اللى راهي ٍفده=يطوى ليال الزمن وايامنا اشداده
والناس اجناس والايام مسوده=والرجل موته من اجل العيش ميلاده
والدمع ملح النفوس وهمنا نده=والحزن مثل السهر والضحكه وساده
والعمر مثل الزفير ان راح مانرده=والموت مثل الضما والروح ميراده
والفقر سر الفقير وحاجته سده=وياكثر ماتكبر الحاجه على عناده
والمال قوت الحياه ومزبن الشده=ياقيك مد اليدين وملكه سياده
والشعر فيض الشعور وجوفنا عده=والحلم تعويض للحرمان وانكاده
والحر مهما شهر واستعذب الهده=لا بد مايكف جنحانه من اجهاده
والادمى لو عن اهله طول الصده=لازم يعود لمربى ابوه واجداده

زعل الرشيدى[/POEM]

الموضوع الأصلي: (الليل ؤالشوق والحرمان)لشاعر زعل الرشيدي | | الكاتب: فيصل المظيبرى | | المصدر: شبكة بني عبس